Ils pitschens furnituors d’energia pel cortegi da Chalandamarz
Il cortegi da Chalandamarz a S-chanf düra duos dis. Per avair avuonda energia survegnan ils uffaunts üna buna marenda. Cò mettains a disposiziun la recetta da las patlaunas.
Ingredienzas
- 500 g farina
- 100 g painch liquid
- 2 dl ova
- 1 praisa sel
- 1 öv
- zücher fin
Preparaziun da las patlaunas
masder tuot las ingredienzas ed elavurer la pasta fich bain. Ün’ura as lascha puser la pasta a fras-ch aint in ün sach da plastic.
Alura as fuorma landrour pitschnas ballas e’s metta quellas darcho inavous aint il sach. Üna zieva l’otra vain raseda our fich fin sün bgera farina. (A stöglian esser propi bod sco palperi) Per cha nu dvaintan memma süttas as zuoglia tuottas cun ün süajmauns.
Las patlaunas vegnan brassedas nudand aint il öli na memma chod. Cun duos s-chandellas as do la fuorma güsta.
Lascher sfradir las patlaunas ed inzüchrer.
