Tenor la recetta da la famiglia Marugg da S-chanf
Tenor la recetta da la famiglia Marugg da S-chanf vegnan quistas chastagnas preparadas minch’an cun bgera amur. Üna tradiziun dutscha per Chalandamarz.
Ingredienzas
- 1 kg chastagnas sechaditschas
- 1 tazza (ca. 2.5 dl) zücher
Preparaziun da las chastagnas
1 kg chastagnas sechaditschas
schmöglier 12 uras cun ova fraida e cuverner
zieva 12 uras piglier davent flachs brüns, spletscher (amar), ziev’il spletscher ardschanter aunch’üna vouta cun ova
cuverner las chastagnas cun ova ca. 1 cm illa padella a vapur
agiundscher 1 tazza (ca. 2.5 dl) zücher
cur cha la padella a vapur segna 2 strichs, couscher precis 33 min important: resguarder il temp, uschigliö sun las chastagnas memma lammas u memma düras!
zieva cha‘ls 33 minuts sun passos, metter la padella da vapur suot l’ova fraida, fin cha l’indicatur es giosom.
Glasura da caramella
- carameliser in üna padella 1 tazza (ca. 2.5 dl) zücher
- agiundscher 125 g painch da cuschiner
- agiundscher 2 sduns da schoppa Maizena
- masder bain tuot las ingredienzas
- lascher sfrader
Glasura da caramella
- masder las chastagnas e la glasura da caramella
- couscher ligermaing aunch’üna vouta 10 min.
Bun appetit e viva il Chalandamarz!
